A Orquestra Sinfónica suspende a venda de abonos da Temporada Lírica

A venda de abonos para a vindeira Temporada Lírica da Orquestra Sinfónica de Galicia ficou suspendida o pasado sábado. O xerente da Orquestra Sinfónica sinalou que a entidade carece de crédito e orzamento para desenvolver o ciclo, e garantiu unicamente a posta en escena Parténope de Händel, que se poderá ver o vindeiro venres 15 no Auditorio de Ferrol. A Deputación, pola súa banda, asegurou que nos orzamentos para 2016 está consignado un apoio económico de 1,5 millóns de euros, ao igual que en exercicios anteriores.