Cunha capa de Pedro Díaz Lorenzo esta Nadal viu a luz a segunda entrega da revista dixital Critauras. A publicación especializada en literatura infantil e xuvenil achega unha serie de felicitacións nadaliñas da man de diferentes ilustradores e ilustradoras do país e unha colectánea de relatos para a ocasión. Ademais, textos críticos de Fina Casalderrey, Pepe e Berta Cáccamo, Jan Pienkowski, Antonio garcía Teijeiro e Xosé Cobas combínanse cunha conversa entre Antonio Manuel Fraga e Miguel Mosqueira e un monográfico sobre libros arredor do Nadal. No número pódese atopar tamén unha reportaxe sobre a experiencia Espazo Lectura e un artigo sobre as criaturas bondadosas do noso Nadal asinado por Antonio Reigosa. O volume está dispoñible na rede de xeito íntegro.
