Hai xa quince anos que a UNESCO declaraba a Muralla de Lugo como Patrimonio da Humanidade. Para o conmemorar, a cidade está a acoller ao longo da semana diferentes actos, como foi a solta de farois voadores o pasado domingo desde o adarve ou a realización dunha tortilla e dunha tarta xigantes, un concurso de fotografía temático ou a creación de menús especiais en diferentes restaurantes da cidade. Ademais, este luns inaugurábase un ascensor que facilita o acceso ao monumento e que se instalou da man da Consellaría de Cultura. Este mesmo departamento anuncia demais novos traballos de restauración do lenzo interior do cubo VI e adianta que está a se traballar no deseño e novos paneis divulgativos para o monumento.
