Carlos Oroza recita en Pontevedra en 2008. Fotografía de Adrián Estévez. Galipedia
Na noite do pasado sábado falecía en Vigo, onde vivira as últimas tres décadas, o poeta Carlos Oroza. Oroza, nado en Viveiro fixérase coñecido a nivel estatal con obras como Eléncar, Cabalum, Alicia ou Un sentimiento ingrávido recorre el ambiente, e destacou especialmente como poeta oral. No noso país, foi durante varios anos habitual da Semana de Poesía Salvaxe de Ferrol e participou en diferentes recitais. A Casa Galega da Cultura na Cidade Olívica acolle desde as dez desta mañá a capela ardente na súa honra.
