A galería Trinta cumpre tres décadas

En novembro de 1985, a galería Trinta abría as súas portas en Compostela. A conmemorar tan redondo aniversario, este espazo de arte inaugura o vindeiro 19 de novembro La mujer de agua sigue cantando, sexta exposición individual da artista Pamen Pereira no local. Nun texto a lembrar a efemérede as responsables da galería sinalan que se enfrontan á terceira década de traballo "sen balances nin nostalxias", a sinalar que "temos moitos motivos para ser optimistas sen consideramos o que implica que unha galería sobreviva tres décadas no noso país". Non esquecen agradecer o apoio que receberon neste tempo e lembran que "a nosa festa sodes vós que, dun xeito ou doutro, nos acompañades".