Os editores abordan o futuro da feiras do libro no seu simposio anual

Co lema O futuro das feiras do libro de Galicia abría esta mañá na sede do Consello da Cultura Galega o XII Simposio O libro e a lectura. O encontro anual da Asociación Galega de Editores abordará exemplos de iniciativas culturais de éxito como a semana do Libro en Catalán, a Praza dos Libros de carballo, o Salón do Libro de Pontevedra, o Culturgal ou a Semana da Música Infantil. Ademais, haberá unha mesa redonda con representantes de librarías e editoriais e unha mesa temática analizará as cuestións do espazo, os produtos e os públicos. A xornada rematará coa presentación dun compromiso de colaboración para 2016 entre a Federación de Librerías de Galicia, a Asociación Galega de Editores e a Asociación de Escritores en Lingua Galega.