A Xunta declara BIC o fondo bibliográfico e documental de ABANCA

O Diario Oficial de Galicia publicou onte o decreto polo cal se declara BIC o fondo bibliográfico e documental de ABANCA. Segundo o decreto, este fondo "é un elemento fundamental do patrimonio bibliográfico e documental galego, tanto polo valor individual dalgunha das obras que reúne como, principalmente, polo valor histórico e documental que supoñen como colección para a identidade do pobo galego". Componse de 3199 volumes "que inclúen libros e documentos, componse de coleccións bibliográficas, como os fondos de economía, os incunables, os facsímiles e o fondo histórico, e un fondo documental, o dos autógrafos". Na ligazón que ofrecemos podes consultar o inventario deste espectacular fondo documental.