Coa incorporación de Fanzinadas, unha mostra dedicada á autoedición, e dunha sesión vermú, Carballo prepárase para celebrar, entre os vindeiros 20 e 24 de agosto a Praza dos Libros. A nova edición da "feira da creatividade cultural" chega á vila bergantiñana a prestar unha especial atención aos máis novos, para os que están previstos concertos como os de Brinca Vai, A Gramola Gominola ou Chuches Amil, ademais de diversas actividades. Canda a eles, os adultos teñen un programa cheo de presentacións literarias e actividades que inclúen un roteiro de arte urbana pola cidade ou de concertos como o de poetarras.
