Xa está dispoñible na rede a primeira entrega de Banda Deseñada. A nova revista dixital dedicada á novena arte en Galicia nace da man de Marcus Fernández, responsable de Código Cero como un ambicioso proxecto no que abundan as entrevistas e as reportaxes sobre este mundo. Coa escola O Garaxe Hermético na capa, a entrega aborda tamén o traballo de Manel Cráneo e Demo Editorial, o programa Metrópoles Delirantes ou o fenómeno do Cosplay. Ademais, unha sección repasa o traballo de autores galegos que publican no exterior, a recoller entrevistas a Xurxo G. Penalta, Emma Ríos ou David Rubín. A primeira entrega viu tamén unha edición limitada de exemplares en papel.
