Foi Murguía quen chamou Precursores a aqueles escritores e escritoras que fixeron unha aposta pola lingua galega xa no século XIX, pero hoxe nós queremos homenaxear dous precursores dun xénero que, sen dúbida, marcou o século XX: a ciencia ficción, moi escaso na lingua galega. Dúas xoias para que lle botes un ollo a fin de semana.
Campaña da Caprecórneca. O galego emigrado en cuba Luís Otero Pimentel publicou este estrañísimo relato dunha viaxe á Lúa na revista Follas Novas da Habana. A edición que podes descargar hoxe aquí procede da súa edición completa como libro en 1898 e está dixitalizada na Real Academia Galega, quen nos permitiu a súa redistribución en formato PDF para facilitar a súa lectura. É un libro de dubidoso valor literario pero cun imaxinario desbordante.
Podes consultalo na RAG páxina a páxina ou baixala enteira aquí.
Viaje a Marte. O pintor compostelán Modesto Brocos publicou en 1930 esta estraña novela. O protagonista viaxa a Marte da man do Padre Feijóo (!!!) para coñecer o modelo de vida que seguen os marcianos, que non é outro que unha utopía socialista: só hai un goberno, unha lingua e unha raza e o exército (falamos de 1930) ten un papel humanitario.
Podes consultar o libro enteiro na Biblioteca Digital Hispánica ou baixalo aquí.
