O Ateneo Ferrolán busca mecenas para salvar o seu patrimonio

Todo o patrimonio do Ateneo Ferrolán, fundado en 1879, atópase desde hai cinco anos embargado no almacén dunha empresa de mudanzas. A negativa do Concello a asumir como se comprometera o custo de 39.000 euros do traslado da entidade cultural levou a esta situación, que pon en perigo estes fondos documentais e hemerográficos. Agora, o Ateneo acaba de pór en marcha unha campaña de mecenado para tentar reunir estes fondos e chama a realizar doazóns tanto vía web como de xeito presencial. En paralelo, programáronse outras actividades para acadar apoios. Así o Teatro Estaleiro da Sociedade Grupo Bazán celebrará unha función benéfica no Ateneo Ferrolán o 22 de maio e o día 27 desenvolverase unha xornada de festa, cultura e solidariedade no Seixo.