O Ateneo Ferrolán dixitaliza o boletín agrarista Libertad

O Ateneo Ferrolán continúa coa súa tarefa de dixitalización dos fondos coa publicación de 35 números do órgano da sociedade de agricultores, que estaba radicada en Serantes. O xornal ofrece valiosa información para coñecer o movemento agrarista e a historia do actual concello ferrolán (resultado da fusión dos previos de Serantes e Ferrol) no periodo da ditadura de Primo de Rivera e a Segunda República. O xornal conta tamén cun certo número de colaboracións en galego. O Ateneo Ferrolán ten emprendido un amplo programa de dixitalización dos seus fondos, que publica no repositorio de Archive.org.