MadMartin Trio publica o seu primeiro LP Time To Go Mad

A banda de rock MadMartin Trio presenta o seu primeiro LP Time To Go Mad, editado pola discográfica sueca Vintjärn Records, que inclúe 11 temas de autoría propia e 3 versións de clásicos. Aínda que o grupo é de recente creación, os seus compoñentes son veteranos músicos xa que o batería Manuel Brey e o guitarrista e voz Martín Esturao formaron parte da banda Doutor Gringo, un dos principais referentes do rock and roll clásico feito en Galicia.





MadMartin Trio son unha banda de rock con influencias do rockabilly e swing. Na actualidade os seus compoñentes, Guillermo González, Manuel Brey e Martín Esturao, están inmersos nun tour de presentación do seu último traballo discográfico. Acaban de gañar a final do concurso Azkena Rock Party entre máis de 1200 bandas inscritas de toda España o que lles permitirá tocar na presente edición do festival que se celebrará en Vitoria o 19 e 20 de xuño.

Este grupo traslada aos escenarios o espírito dos anos 50 con composicións simples e moita enerxía, como xa amosaron no anterior traballo It was a very good year.