O ámbito cultural protagoniza a presenza galega no Zinc Shower

Baixo o lema Galicia Economía Social Creativa, cinco cooperativas galega participarán a partir de mañá no Zinc Shower de Madrid. A presenza do noso país neste encontro, considerado o maior evento profesional da Economía Creativa e Colaborativa do Estado céntrase nos ámbitos da cultura, o deseño a innovación social e a formación.

ReXenerando Soc. Coop. Galega, 7H Cooperativa Cultural, Xeneme Proxectos Sociais, 10d10 [ dezdedez ] e Inprega S. Coop. Galega presentarán o seu traballo e desenvolverán acatividades como un "protestódromo", o espectáculo músico-teatral multilingüe Sira e o robot, un obradoiro sobre como activar procesos colectivos ou a iniciativa de recuperación da memoria Tíra do cable.

As firmas acuden ao evento co apoio da Dirección Xeral de Traballo e Economía Social da Xunta de Galicia e do Consello Galego de Cooperativas a través da Rede Eusumo.