Trinta e cinco artistas participan no II Encontro entre Arte e Natureza de Camelle

Por segundo ano consecutivo, un grupo de artistas homenaxearán a Man de Camelle e a súa obra creativa. En total son trinta e cinco persoas, vinte galegos e quince mallorquíns os que participan entre hoxe e mañá no II Encontro de Arte e Natureza que se celebra nesta vila da Costa da Morte. No evento presentarase o Grupo Arou, un colectivo artístico nado a partir do encontro de 2007 e celebraranse diferentes obradoiros e actividades creativas.