Luis Moreno
Individualismo posesivo e Europa asocial é o título do relatorio co que o sociólogo e politólogo Luis Moreno participará mañá mércores ás 17:00 horas nunha nova sesión do ciclo O(s) Sentido(s) da(s) Cultura(s), organizado polo Consello da Cultura Galega. Neste seminario interdisciplinar o profesor de investigación do Instituto de Políticas e Bens Públicos do CSIC analizará a crise do estado do benestar.
Luis Moreno Fernández, doutor en Ciencias Sociais pola Universidade de Edimburgo, tentará responder a cuestións como Cedeu a Europa social á Europa asocial?, Desvincúlanse os europeos do benestar dos seus concidadáns? entre outros temas vencellados ás transformacións da política social e o Estado do Benestar.
O convidado a este ciclo foi membro fundador do Instituto de Estudios Sociales Avanzados, precursor da Unidade de Políticas Comparadas e do actual Instituto de Políticas y Bienes Públicos. Honorary Fellow da Universidade de Edimburgo, tamén foi docente e investigador en diversas universidades europeas e norteamericanas, e Jean Monnet Senior Fellow no Instituto Universitario Europeo de Florencia.
O(s) Sentido(s) da(s) Cultura(s) é un seminario interdisciplinar sobre os significados da cultura no tempo presente que o Consello da Cultura Galega vén organizando dende 2007.
O convidado a este ciclo foi membro fundador do Instituto de Estudios Sociales Avanzados, precursor da Unidade de Políticas Comparadas e do actual Instituto de Políticas y Bienes Públicos. Honorary Fellow da Universidade de Edimburgo, tamén foi docente e investigador en diversas universidades europeas e norteamericanas, e Jean Monnet Senior Fellow no Instituto Universitario Europeo de Florencia.
O(s) Sentido(s) da(s) Cultura(s) é un seminario interdisciplinar sobre os significados da cultura no tempo presente que o Consello da Cultura Galega vén organizando dende 2007.