Un programa especial de radio desde a Casa da Cultura de Salvaterra de Miño e mais o descubrimento dunha placa conmemoran na mañá do 27 de marzo os 20 anos de existencia do proxecto Ponte... nas ondas! A iniciativa de radio escolar publicou un web no que recupera contidos de toda a súa existencia en audio, vídeo e fotografía pouco tempo despois de recibir o Premio Ondas á mellor cobertura informativa. Repasamos algúns dos achegamentos que desde Culturagalega.org temos realizado a este proxecto que está de parabéns.
