O fotógrafo Alberto Treviño faise con tres premios Graphis de Ouro

Os prestixiosos premios Graphis de fotografía, que se outorgan en Nova York, contan este ano con presenza galega. Alberto Treviño é o gañador de catro destes galardóns na edición 2015, tres Graphis e ouro e un Merit Award. En concreto, as fotografías deste autor para a axencia BAP&Conde nunha campaña de Caramelo valéronlle un ouro na categoría de moda e outro na de retrato. Outro ouro foi para a imaxe da campaña de Torre de Núñez, mentres o Merit Award correspondeu á campaña de Nadal de 2013 para Loewe. Treviño é o único autor español entre os galardoados deste ano.