Nubes pasaxeiras de Aki Kaurismäki sera o filme co que abrirá mañá, ás 12 da mañá en Compostela, NUMAX, unha nova sala dedicada ao cinema independente. A proxección, nunha sesión de portas abertas, suporá a estrea internacional da versión restaurada e dixitalizada do título. O proxecto, nado da man dunha cooperativa e cun amplo apoio social que o avalou economicamente, ofertará unha programación diaria de cinco sesións entre martes a domingo. A carteleira estará composta tanto por estreas de cinema independente difícil de atopar noutras salas, como por clásicos rescatados e por proxectos de autores pouco coñecidos. Todas as proxeccións será en versión orixinal con subtítulos.
O proxecto conta ademais cunha libraría internacional, un ambigú, un laboratorio que desenvolverá traballos audiovisuais e de deseño e mais dunha división dedicada á distribución de filmes.
Para alén do filme de Kaurismäki, o NUMAX proxectará ao longo das vindeiras semanas os filmes Maps to the Stars de David Cronenberg, Numax presenta de Joaquín Jordá, A besta humana de Jean Renoir, Costa da morte de Lois Patiño, Pasolini de Abel Ferrara e mais Puro Vicio de Paul Thomas Anderson.
