O Auditorio de Galicia homenaxea a Leopoldo Nóvoa cunha exposición

Mercedes Rozas comisaría a exposición coa que o Auditorio de Galicia, en Santiago de Compostela homenaxea o célebre pintor Leopoldo Nóvoa. A se facer tres anos da súa morte, o 23 de febreiro abría as portas Leopoldo Nóvoa. Papeis e cartóns. O proxecto inclúe probas de autor, gravados, pochoirs e técnicas mixtas sobre estes materiais, achegando ao público obras en moitos casos inéditas e reunidas ex profeso para esta iniciativa. A mostra estará aberta ata o vindeiro sete de xuño.