Quiosco: Cuaderno de Estudios Gallegos número 127

Acaba de saír publicado o novo número do Cuaderno de Estudios Gallegos (volume 6, número 127), cunha manchea de artigos ao redor da historia e da arte de Galicia, todos eles de libre descarga. Entre os moitos textos, unha análise da transformación de Santa María da Franqueira de mosteiro a santuario mariano, a cargo de Marta Cendón; un estudo iconográfico sobre a moda que se pode ver nas laudas galegas do século XV, de Mónica Rey, ou un estudo sobre a fidalguía do Ribeiro de Avia, centrado na casa de CAndendo de San Miguel de Lebosende (Leiro), de Iago Rodríguez.