Documentación do Estatuto preservada por Castelao
O Consello da Cultura Galega asinou esta mañá en Pontevedra un convenio coa Fundación Filgueira Valverde para dixitalizar documentación do intelectual pontevedrés. Máis de cincocentas carpetas con cartas que repousan no Museo de Pontevedra, intercambiadas con figuras como Castelao, Otero Pedrayo ou Vicente Risco, ata un total de vinte mil documentos. O acordo de colaboración permitirá dispoñibilizar moitos destes fondos para a súa consulta pública e en liña. Filgueira Valverde foi o segundo Presidente do Consello da Cultura Galega.
