As editoras galegas reciben case 50.000 euros nas axudas estatais á edición

Doce editoriais galegas recibiron financiamento na convocatoria do Ministerio de Educación e Cultura para axudas á edición. En total as editoriais galegas recibiron 47.974 euros dunha convocatoria que en total, repartiu entre empresas de todo o Esado, 909.000 euros. Entre as obras subvencionadas, hai desde unha versión ilustrada do poemario De catro a catro de Manuel Antonio (Fasto Deseño Asociados) ou unha biografía de Rosalía de Castro a cargo de María Xesús Lama para Galaxia.