O documental de Wim Wenders e Juliano Ribeiro Salgado sobre o fotógrafo Sebastião Salgado impúxose na 28 edición do Festival Cineuropa, que fechaba onte as súas portas en Compostela. O público que ao longo do mes asistiu as proxeccións deste programa seleccionou The salt of the Earth cunha nota media de 9,11 o que sitúa o filme a distancia da segunda seleccionada na sección oficial, O noso último verán en Escocia que ficou cunha nota de 8,29.
A maiores, nas seccións Panorama Internacional foi Mommy a que máis gustou aos espectadores, cun 7,60 de nota, e en Fantastique Compostela impúxose What we do in the shadows cun 7,68.
