Víctor Aparicio versiona cancións De pueblo y de río

Doce versións de temas coñecidos a buscar o esencial de cada canción. Esta é a nova aposta que fai Víctor Aparicio Abundancia (Víctor Coyote) en De pueblo y de río, o seu último disco. O proxecto, que sae á luz da man de Eureka Records, gravouse entre Seixas (Caminha) e Córdoba, con produción de Pablo Novoa. O tudense aborda temas como Debaixo dos caracois dos seus cabelos, Puerto Rico en el corazón ou o primeiro single do proxecto, Havemos de ir a Viana, no que conta coa colaboración da lisboeta Rita Braga. O Teatro Valadares de Caminha acollerá o primeiro concerto da xira de presentación do novo disco.