Cofinanciado con fondos FEDER, a Xunta acaba de sacar a concurso o Arquivo Electrónico do Patrimonio de Galicia, por un importe de 502.200 euros divididos en dous lotes, un para o sistema de preservación de documentos e outro para o sistema de difusión e recolección. A finalidade do Arquivo, segundo o prego técnico, é a "dixitalización, difusión e preservación do patrimonio documental. O obxecto da xestión documental neste escenario é a creación de copias dixitais de documentos do patrimonio documental, para a súa difusión e preservación".
