Dous traballos de editoras galegas intégranse na lista White Ravens, que recolle cada ano os douscentos mellores libros de literatura infantil e xuvenil do mundo. A listaxe que elabora a Biblioteca Internacional da Mocidade de Munich e que se presenta hoxe na Feira do Libro de Frankfurt, recolle un total de seis obras editadas en España. Entre estas inclúe o conto Gallito pelón, de Paula Carbonell e Philip Giordano, editado pola galega OQO e mais Nicomedes o pelado, de Pinto e Chinto e editado por Kalandraka. Esta última é a única obra en galego incluída na selección deste ano.
