Vinteoito espectáculos, dos cales 10 son estreas, canda teatro de rúa, monólogos e unha programación cultural anexa darán vida á 23ª edición do Festival Internacional de Outono de Teatro de Carballo (FIOT). Artistas como Rafael álvarez "El Brujo" recreará "O asno de ouro", a novela do romano Apuleio. Sergi López, canda Jorge Picó, presentarán "30/40 Livingstone". Nas producións galegas, Mofa&Befa estrearán en Galicia "Bobas&Galegas (Mofa e Befa no Século de Ouro), a obra estreada no Corral de Comedias de Almagro e dirixida por Quico Cadaval. E moitas máis actividades encherán Carballo de Teatro entre o 3 de outubro e o 2 de novembro.
