Os II Premios Martín Códax da Música incorporan novas categorías musicais

Onte presentáronse en Santiago os II Premios Martín Códax da Música que teñen como principais novidades a incorporación de novas categorías de premiados. Por unha banda, convócanse quince categorías musicais: separando rock da de "Blues, Funk e Suol" e creando a categoría da "canción de autor", que segundo a organización tivo moita demanda na anterior edición. A maiores, convócanse os premios Organistrum para recoñecer o labor de salas, festivais e espazos de comunicación musical. A convocatoria de candidaturas xa está aberta, e poden participar "todos aqueles proxectos musicais galegos vixentes e en activo no ano 2014".