Co obxectivo de "celebrar o mar como fonte de vida" entre outros, o concello da Coruña presentou onte o Festival Marea Alta, unha iniciativa multidisciplinar da que se adiantaron algúns dos eventos do programa. Unha exposición do fotógrafo naturalista Daniel Beltrá sobre a catástrofe petroleira do Golfo de México, a arte activista do colectivo surfeiro Skeleton Sea ou obradoiros fotográficos impartidos por Juan Pablo Moreiras e Mr. Goodfish.
