Interior dun templo, de Pérez Vilaamil
O 160 aniversario da morte do pintor Jenaro Pérez de Villaamil é a efeméride coa que o Museo de Lugo pon a andar Acordanzas. Esta nova sección do web da institución recupera autores e obras destacadas a coincidir con datas significativas. Así, o web achega unha galería coas obras do pintor ferrolán depositadas no museo ademais dun díptico cunha breve biografía do artista e a localización dos seus traballos nas salas do centro.
