Escritor, xornalista e tradutor de prestixio. Malia a desenvolver a súa carreira fundamentalmente entre Cuba e España, Lino Novás naceu en Galicia e sempre exerceu de emigrante. Agora, o Consello da Cultura Galega, institución que custodia o seu legado, organiza as xornadas Lino Novás Calvo. Ese lugar de donde me llaman. A sede da institución en Compostela acollerá entre os días 19 e 20 de xuño este encontro no que especialistas como Bernardo Penabade, Xosé Neira Vilas, Carlos Espinosa, Alex Alonso ou a filla do homenaxeado, Himilce Novás, realizarán un repaso pola súa vida e obra. A inscrición para o encontro está aberta no web do Consello.
