O museo na casa (e II)

Tres exposicións completan a primeira vaga -de seis- que o CCG publicou no Google Cultural Institute para promover e facer visible a historia e a cultura galega a nivel internacional. Desta volta, as mostras Valentín Paz Andrade, Os Adeuses e O Sorriso de Daniel.

Valentín Paz Andrade

Valentín Paz Andrade. Unha antena galega no Brasil foi unha exposición producida para o público brasileiro onde se explican as relacións entre o homenaxeado polas Letras Galegas 2013 e a cultura, a sociedade e a economía brasileira.

Os adeuses

Impactante exposición fotográfica retrospectiva do traballo do fotógrafo Daniel Martí, que recolle varias décadas de partida dos emigrantes desde o porto da Coruña cara os destinos americanos. Fotografías, escenas e persoas que quedaron marcados para sempre na nosa imaxinación colectiva.


O Sorriso de Daniel

Esta exposición foi construída para ilustrar sobre a realidade galega actual e a nosa cultura a públicos de diferentes territorios. Notas sobre a cultura, a economía, a historia, a sociedade ofrecen unha ampla visión sobre a Galicia contemporánea aos foráneos.