Dolores Vilavedra e María Xosé Porteiro incorpóranse ao Plenario do Consello da Cultura

O plenario do Consello da Cultura Galega aprobou na súa xuntanza do pasado 30 de abril nomear como membros electos desta institución a Dolores Vilavedra e María Xosé Porteiro. As incorporacións supoñen a paridade de género en cantos aos membros electos do plenario. Na mesma xuntanza renovaron no seu posto os profesores universitarios Xosé López, Ramón Máiz, Concepción Varela e o músico Maximino Zumalave. Deixa de ser membro electo do pleno Henrique Monteagudo. Nesta votación, tamén se cubriu a baixa deixada no seu momento por Alfonso Paz Andrade.