Coa proxección hoxe dos traballos gañadores da edición 2013 na Biblioteca Ánxel Casal, en Compostela, abre a programación do Revoltallo audiovisual 2014. A iniciativa coordinada polas asociacións Verdegaia, Amarante-Setem e A Xuntanza céntrase como é habitual no cinema de acción social. O programa inclúe tamén unha mesa redonda con Cora Peña, Xosé Bocixa e Illa Bufarda o día 8, un obradoiro para facer curtas de temática social e ambiental entre os días 16 e 18 e a proxección dos traballos gañadores deste 2014, o día 21.
