O vindeiro sábado 3 de maio os Xardíns Padre Feijoo de Ourense acollerán o concerto de presentación de Danza das Burgas. O grupo Brañas Folk dá a coñecer na vila natal o seu novo disco logo de cinco anos. Doce temas de corte tradicional, instrumentais e cantados, nos que se apreza a riqueza sonora dun conxunto formado por oito membros e que conta con múltiples colaboracións de renome. Gaitas, whistle, zanfonas, arpas, violíns, acordeóns, piano, guitarra, baixo ou batería son algúns dos instrumentos cos que se interpretan temas como Xota de Ourense, Millo verde ou Pasodobre de Ventosela.
