Ourense inicia a súa programación como Capital Cultural do Eixo Atlántico

O Concello de Ourense presentaba onte o programa co que celebra a súa declaración como Capital Cultural do Eixo Atlántico para este ano. Entre outros eventos, a programación inclúe eventos como a X Bienal de Pintura do Eixo Atlántico ou varias exposicións ata o mes de xuño. Canda a isto, intégranse nesta oferta actividades xa habituais na Cidade das Burgas, como a festa dos maios, a Feira de Artesanía, a Festa do Tren, a Mostra de Teatro Universitario o BurgasFest ou a Feira Medieval.

Precisamente o grupo municipal do BNG denunciou publicamente que a programación inclúe unicamente "ao que esta cidade fai cada ano 3 ou 4 actividades" e reclamou, canda a outras entidades da cidade, unha mellor trato do Eixo "a esta capitalidade da cultura para Ourense que non ten unha promoción específica por parte do organismo a nivel internacional".