O Diario Oficial de Galicia recolle hoxe a convocatoria dos Premios da Cultura Galega. Os galardóns da Xunta de Galicia manteñen este ano as oito categorÃas da súa última convocatoria. Persoas con traxectorias destacadas no campo das letras, as artes plásticas, as artes escénicas, o audiovisual, a música, a lingua, o patrimonio cultural ou a proxección exterior da nosa cultura poden ser propostas nun prazo de dous meses a contar desde mañá. Institucións e entidades culturais ou profesionais, públicas ou privadas vencelladas ao obxecto de cada premio poden presentar candidaturas aos galardóns. Os premios non teñen dotación económica e consisten nunha escultura e un diploma.
