Os incendios revelan novos sitios arqueolóxicos en Oia e Muros

As últimas vagas de incendios permitiron o acceso a zonas de monte pouco coñecidas. En oia, o pastor José Pérez localizou, no lugar de Carboeiro, preto do barrio de Santa Comba, unhas construcións. Segundo o experto Fernando J. Costas Goberna, "son restos de edificacacións pero non se pode asegurar a que época pertencen". Pola súa banda, o colectivo A Rula deu noticia de localizar o petróglifo dun alquerque do nove, un xogo de taboleiro medieval, nun monte de Louro.