A Foliada de Melide e as Músicas no Tapal enchen de ritmo a fin de semana

Avanza a primavera e con ela o calendario de festivais. Esta fin de semana varias citas enchen de música o país. Por unha banda, Melide celebra desde hoxe e ata domingo a súa Foliada, que conta este ano con nomes como Caxade, Radio Cos, Anxo Lorenzo ou a Magnifique Bande. En Noia e no marco das Festas de San Marcos o festival Músicas no Tapal achega a esta praza recitais de Josh Rouse, Niño y Pistola, Igloo ou Narf Trío esta fin de semana. E sábado e domingo celébrase en Matamá a festa da Sementeria do Millo. Sergio Pazos, Sacha na Horta, Zurrumalla ou Escornabois achegan a parte musical do evento.