Josito Porto exhibe múltiples caras no monólogo As mil vidas de Matías Houseman

Matías Houseman quixo vivir tantas vidas que esqueceu a súa propia. En ton traxicómico, Josito Porto (Vilagarcía de Arousa, 1967) ponse na pel dun home gris que vive outras vidas para rachar coa súa monótona existencia. O espectáculo titúlase As mil vidas de Matías Houseman e está estes días na zona C de Compostela (ata o 23 de marzo). Cancións en directo, numerosas transformacións físicas e monólogos cómicos conforman este espectáculo dirixido por José Prieto e finalista nos Maria Casares.