O CCG reúne tres obras de Neira Vilas para falar da relación entre Galicia e Cuba

“Galicia en Cuba. Lingua. Rosalía. Loitas” é unha publicación que permite trazar a historia común de Galicia e Cuba desde mediados do século XIX ata a actualidade. Un volumen que acaba de presentar o Consello da Cultura Galega (CCG) e que reúne tres obras de Xosé Neira Vilas, como son “A lingua galega en Cuba”, “Rosalía de Castro e Cuba” máis “Galegos que loitaron pola independencia de Cuba”. A publicación ve a luz no marco dun convenio entre o CCG e a secretaría xeral de Política Lingüística que se asinou no ano 2013.