Reclaman a Boiro a musealización das pezas recompiladas pola asociación O Faiado 2

Non é habitual que se disolva unha asociación cultural, e menos unha cunha programación tan dinámica coma O Faiado 2, de Boiro. Pero o traslado de residencia da súa presidenta e a ausencia de substitutos foi a causa da súa disolución a principios deste ano. O Faiado centrárase na recuperación cultural da comarca e iso significou que colleitou numerosísimos obxectos coma os primeiros televisores que chegaron á comarca, reclinatorios e útiles mariñeiros ou labregos que foran restaurados. Agora, os veciños de Boiro reclaman que se musealicen estes fondos nalgunha dependencia municipal.