Comezan a se presentar as actividades para o Día de Rosalía

Mesmo logo de ter desaparecido do Calendario do Libro e da Lectura da Consellaría de Cultura, a conmemoración do Día de Rosalía continúa a promover eventos. Así, a convocatoria da Asociación de Escritores en Lingua Galega para celebrar a poeta con graffitis colleitou adhesións das principais cidades do país. Tamén da man desta mesma entidade, en colaboración coa Deputación da Coruña, chega á rede Todas con Rosalía, a segunda parte dun vídeo publicado o ano pasado no que mulleres de diferentes ámbitos len poemas da autora. Na Fundación Rosalía animan coa iniciativa #euRosalía, na que anima a xente a colgar nas redes sociais autorretratos con libros, imaxes ou elementos relacionados con Rosalía como xeito de levar a celebración a Internet.