A Fundación Seoane abre o proceso para elixir nova dirección

Logo do cesamento de Silvia Longueira á fronte da Fundación Luís Seoane, a entidade iniciou esta semana o proceso para procurar unha nova persoa para o posto de dirección. A convocatoria, aberta desde o pasado 22 de decembro e ata o 17 de xaneiro, está aberta a licenciados en Historia da Arte, Xeografía e Historia ou en titulacións equivalente con experiencia na xestión de museos ou centros culturais. Ademais, pídese dedicación exclusiva e valórase o coñecemento da obra de Luís Seoane e na arte contemporánea.