Víctor Said Armesto. Fotografía do Museo de Pontevedra
A Deputación de Pontevedra, o Museo do Pobo Galego e a Fundación Barrié coordinan o programa que, ao longo de 2014, conmemorará o centenario do pasamento de Víctor Said Armesto. Poeta, político, folklorista e primeiro catedrático de literatura galego-portuguesa, Said Armesto protagonizará no Museo de Pontevedra un ciclo de conferencias e un documental realizado por Xosé Antonio Durán. Pola súa banda, a Fundación Barrié e o Museo do Pobo coordinarán un simposio científico no que investigadores de todo o país abordarán as distintas facetas deste persoeiro. Concertos e actividades didácticas aínda por desvelar completarán as propostas para o vindeiro ano arredor desta efeméride.
