A Feira Internacional do Libro de Guadalaxara, México, que se celebra ata o vindeiro 8 de decembro, conta coa presenza dunha ducia de editoras galegas. OQO editora, El Patito Editorial, Nova Galicia Edicións, Editorial Galaxia, Baía Edicións, Positivas, Rodeira, MCSport, Ideas Propias e Ediciones Linteo comparten o posto que coordinan a Consellaría de Cultura e mais a Asociación Galega de Editores. Ao tempo, Kalandraka e Nova Galicia Edicións estarán presentes con stands propios no encontro. As autoras Fina Casalderrey e Elena Gallego acoden tamén ao encontro como convidadas, e participarán en diferentes encontros e iniciativas de dinamización lectora.
