Fomento destrúe boa parte do sitio arqueolóxico de Coeses

Xabier Moure, o afeccionado que fixo pública a intervención no sitio arqueolóxico de Coeses (Lugo), revelou onte a destrución por parte do Ministerio de Fomento de boa parte do complexo, de posible carácter ritual, e que documenta unha necrópole de inhumación posiblemente asociada ao veciño Castro Valente. As obras respectaron o círculo lítico localizado, pero non a área de tumbas de inhumación. A futura autoestrada Santiago de Compostela-Lugo pasará por ese lugar.