Carmen Pereira faise co II Premio de Poesía Leiras Pulpeiro

A segunda edición do Premio de Poesía Manuel Leiras Pulpeiro ten xa gañadora. Carmen Pereira, coa obra De esmagar descalza impúxose no certame que convoca o Concello de Mondoñedo co apoio da Deputación de Lugo e levou os 1.500 euros do primeiro premio. O xurado destacou a alta paraticipación e a calidade dos orixinais presentados, e outorgoulle o segundo premio a Paulino Peña por Nas dársenas do estío e o terceiro a Elexías perdidas de Jacobo Llamas. A entrega dos galardóns celebrarase en Mondoñedo o vindeiro 9 de novembro.