O número de usuarios das bibliotecas públicas medra un 15%

Case 700.000 galegos son socios dalgunha das bibliotecas da Rede Pública de Galicia. Se cadra como consecuencia da crise económica, o número de usuarios incrementouse desde 2010 en máis dun 15%. É un dos datos do informe remitido por Cultura sobre o funcionamento da Rede Pública de Bibliotecas. No informe sinálase que o número de préstamos incrementouse nun 7,5% desde 2011, que a colección medrou máis dun 7% no devandito periodo e que o número de actividades incrementouse en case un 6%.